მონტაჟი რომ ნებისმიერი ფილმისა, თუ ანიმაციის განუყოფელი ნაწილია, ეს ახალი და უცხო ამბავი ნამდვილად არ არის.

ბევრი დავა შეიძლება იმაზე, აფუჭებს თუ არა ზედმეტი ჭრა-კერვა ფილმის ღირებულებას, თუმცა ფაქტია, მის გარეშე ვერც ერთი პროდუქტი სრულყოფილი ვერ იქნება.

მიუხედავად მემონტაჟეების მეტად მნიშვნელოვანი პროფესიისა, ისიც უნდა ითქვას, რომ მათ რეჟისორებისა, თუ პროდიუსერების მითითებით ბევრი მნიშვნელოვანი სცენის ამოჭრა უწევთ.

კინოს ისტორიას მონტაჟის დროს გადაგდებული არაერთი ეპიზოდი ახსოვს, ახლა მხოლოდ 10 მათგანზე მოგიყვებით, თანაც საკულტო ანიმაციებზე:

1. The Lion King უნდა დასრულებულიყო სცენით, რომელშიც სკარი ბრძოლის დროს ცეცხლში ვარდება

2. The Incredibles-ის გახსნის სცენა მეზობლების ბარბექიუ იყო, რომლის დროსაც ბობი შემთხვევით თითებს იჭრის და ვერაფერს გრძნობს. სწორედ ასე უნდა მივმხვდარიყავით, რომ ის სუპერგმირია

3.Toy Story-ის თავდაპირველ ვერსიაში, ვუდი მართლა აგდებდა ბაზს ფანჯრიდან

4. Coco უნდა დაწყებულიყო მუსიკალური ნომრით, სადაც მაყურებელი გარდაცვლილების დღის ისტორიას გაიგებდა

5. მოანას ექვსი ძმა უნდა ჰყოლოდა

6. Lady and the Tramp-ში უნდა ყოფილიყო სცენა, რომელშიც ძაღლები წარმოიდგენენ, როგორი იქნებოდა ცხოვრება, თუ ისინი ადამიანებს ადგილს გაუცვლიდნენ

7. პოკაჰონტასში ამოჭრილია სიმღერა If I Never Knew. სწორედ ამ სიმღერით უტყდებოდნენ ერთმანეთს სიყვარულში სმიტი და პოკაჰონტასი

8. პინოქიოში უნდა ყოფილიყო სცენა, სადაც ვეშაპის მუცელში გამომწყვდეული ჯეპეტო ოქროს თევზის ჭამას აპირებდა

9. მულანში კი უარყოფით პერსონაჟს უნდა შეძლებოდა თავისი შევარდენის თვალით დაენახა ყველაფერი

10. Zootopia-ში ამოჭრილია სცენა, რომელშიც მამა პატარა ბელს საკუთარი ხელით უკეთებს საყელურს