სააკაშვილის განცხადება ტურისტებზე ქსენოფობიური და ანტისოციალურია — არა ფობიას!
სამოქალაქო პლატფორმა არა ფობიას! საქართველოს მესამე პრეზიდენტის, მიხეილ სააკაშვილის განცხადებას ქსენოფობიურს, ანტისოციალურსა და ტურისტული პოტენციალისთვის დამაზარალებელს უწოდებს. საქმე ეხება სააკაშვილის მიერ 2018 წლის 4 ნოემბერს გავრცელებულ განცხადებას, სადაც ის ტურისტების მოზიდვაზე დისკრიმინაციულ კონტექსტში საუბრობს:
"ჩვენ გვჭირდება მდიდარი ტურისტები ყველა მხრიდან. ეს გაძვალტყავებული, ბოდიში და, ჯღანები რომ შემოდიან, თავისი ძეხვი რომ მოაქვთ და კონსერვები, ამით ჩვენ ვერ გავმდიდრდებით. ჩვენ გვჭირდება ემირატებიდან არა ბანგლადეშელები, ვინც იქ ცხოვრობენ, კი არ ვერჩი არაფერს ბანგლადეშელებს, უბრალოდ, მუშები არიან ვინც ჩადიან, ინდუსები. იმათ არ აქვთ იმდენი შემოსავალი, ჩვენ გვჭირდება, მაგალითად, მდიდარი შეიხები, რომელიც ერთი კაცი იმდენს დატოვებს, რამდენსაც ორასი სხვა კაცი. როგორც წესი, უფრო წყნარადაც იქცევა და თავის რეპუტაციას უფრთხილდება".
არა ფობიას! მიიჩნევს, რომ აღნიშნული განცხადება ეთნიკური და სოციალური/კლასობრივი ნიშნით პირთა დისკრიმინაციის წახალისებაა და აფრიკისა და აზიის ქვეყნებიდან მიგრანტების მარგინალიზაციას აღმავებს. მათივე პოზიციით, ამგვარ განცხადებებს თანასწორობაზე უარყოფით გავლენა აქვს და ქსენოფობიური განწყობების გაძლიერებასა და პოლიტიზებას უწყობს ხელს.
არა ფობიას! განცხადებაში წერს, რომ აღნიშნული პოზიცია ანტიმიგრანტული რიტორიკის შემცველია და ეს სოციალური უსამართლობიდან კულტურულ საკითხებზე ყურადღების ხელოვნური გადატანის მცდელობაა. ამასთან, სამოქალაქო პლატფორმა მსგავს განცხადებებს წინასაარჩევნო პერიოდში ელექტორატის მოზიდვის გზად მიიჩნევს.
ეს პირველი შემთხვევა არაა, როცა ყოფილი პრეზიდენტი ქსენოფობიურ კონტექსტში საუბრობს. სააკაშვილმა იქამდე თქვა, რომ საქართველოში დროებითი ბინადრობის მქონე პირებს "ქართველების სამუშაო ადგილები მიაქვთ". ტოლერანტობისა და მრავალფეროვნების ინსტიტუტი (TDI) განმარტებით, აღნიშნული მოსაზრება ქსენოფობიურია.
ამასთან, არა ფობიას! იხსენებს ექსპრეზიდენტის მიერ რუსთავი 2-ის ეთერსა და ფეისბუქგვერდზე გავრცელებულ შემდეგი შინაარსის განცხადებებს:
"...ესე იგი, ეს სტატისტიკა უტყუარად აჩვენებს, რომ ქართველების სამუშაო ადგილები წაიღეს ღარიბმა ირანელებმა, თურქებმა და სხვა უცხოელებმა. მდიდარი ინვესტორების ნაცვლად, რომელთაც ქართველები უნდა დაესაქმებინათ, მივიღეთ გაღლეტილი მიგრანტები, რომლებიც საკუთარ თავს ძლივს ასაქმებენ".
განცხადებას ხელს შემდეგი ორგანიზაციები აწერენ:
- საქართველოს დემოკრატიული ინიციატივა (GDI);
- დემოკრატიისა და უსაფრთხო განვითარების ინსტიტუტი (IDSD);
- მედიის განვითარების ფონდი (MDF);
- ღია საზოგადოების ფონდი (OSGF);
- საერთაშორისო გამჭირვალობა- საქართველო (TI);
- სამართლიანი არჩევნებისა და დემოკრატიის საერთაშორისო საზოგადოება (ISFED);
- კავშირი საფარი;
- კონსტიტუციის 42-ე მუხლი;
- საქართველოს რეფორმების ასოციაცია (GRASS);
- ადამიანის უფლებების სწავლებისა და მონიტორინგის ცენტრი (EMC);
- თანასწორობის მოძრაობა (Equality Movement).
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
-
გადახედვაოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან ოპოზიციური პარტიები 28 აპრილს, არასამთავრობო ორგანიზაციების მიერ დაანონსებულ ევროპულ მარშს უერთდებიან
-
-
გადახედვამოქალაქის მიმართ იძულების ფაქტზე შსს-ს თანამშრომელი ამხილეს მოქალაქის მიმართ იძულების ფაქტზე შსს-ს თანამშრომელი ამხილეს
-
-
-
გადახედვადააკავეს პირი, რომელმაც 21 400 დოლარის და 600 ევროს ოდენობის ყალბი კუპიურები გაასაღა დააკავეს პირი, რომელმაც 21 400 დოლარის და 600 ევროს ოდენობის ყალბი კუპიურები გაასაღა
-
გადახედვასომხეთმა და აზერბაიჯანმა, საზღვრის დელიმიტაციის შესახებ, შეთანხმებას მიაღწიეს — სომხეთში გადაწყვეტილებას პროტესტით შეხვდნენ სომხეთმა და აზერბაიჯანმა, საზღვრის დელიმიტაციის შესახებ, შეთანხმებას მიაღწიეს — სომხეთში გადაწყვეტილებას პროტესტით შეხვდნენ
-
-
გადახედვაარსებობს საფრთხე, რომ თქვენი პერფორმანსი ოცნებამ წინასაარჩევნო კამპანიისთვის გამოიყენოს, გთხოვთ, გაეცნოთ საგანგაშო პოლიტიკურ ვითარებას — მიმართვა Massive Attack-ს არსებობს საფრთხე, რომ თქვენი პერფორმანსი ოცნებამ წინასაარჩევნო კამპანიისთვის გამოიყენოს, გთხოვთ, გაეცნოთ საგანგაშო პოლიტიკურ ვითარებას — მიმართვა Massive Attack-ს
-
გადახედვაორი პოლიციელი დაიღუპა თავდასხმის შედეგად ყარაჩაი-ჩერქეზეთში ორი პოლიციელი დაიღუპა თავდასხმის შედეგად ყარაჩაი-ჩერქეზეთში
-
გადახედვაატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს ატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს
-
გადახედვავცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო ვცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
გადახედვა126 სამოქალაქო და მედიაორგანიზაცია ხელისუფლებასთან თანამშრომლობას წყვეტს 126 სამოქალაქო და მედიაორგანიზაცია ხელისუფლებასთან თანამშრომლობას წყვეტს
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვაშსს-მ დააკავა პირი, რომელმაც გარდაბანში თანასოფლელი მოკლა შსს-მ დააკავა პირი, რომელმაც გარდაბანში თანასოფლელი მოკლა
კომენტარები