თურქეთში, ქორწილში მომხდარი ტერორისტული აქტის შედეგად, 30 ადამიანი გარდაიცვალა, 94 კი დაშავდა. ინფორმაციას CNN ადგილობრივ გამოცემა Anadolu-ზე დაყრდნობით ავრცელებს.

შემთხვევა 20 აგვისტოს ღამეს, ქალაქ გაზიათეფში მოხდა, რომელიც სირიის საზღვართან ახლოს მდებარეობს. გამოცემის მიერ გავრცელებულ ვიდეოში ჩანს, როგორ ცდილობს ასობით ადამიანი თავის გადარჩენას.

როგორც ადგილობრივი საინფორმაციო სააგენტოს ერთ-ერთმა წარმომადგენელმა განმარტა, შემთხვევის ადგილას 20-მდე სასწრაფო დახმარების მანქანა იყო მობილიზებული.

მომხდარზე პასუხისმგებლობა ამ დროისთვის არცერთ დაჯგუფებას აუღია.