26 ოქტომბერს ნეტფლიქსმა სერიალების მოყვარულებს, განსაკუთრებით კი მათ, ვისაც ჯადოქრები, მოჩვენებები და ჰორორი უყვარს, დიდი სიურპრიზი გაუკეთა.

სწორედ ამ დროს გამოვიდა ახალი სერიალი - Chilling Adventures of Sabrina, რომლის მთავარი პერსონაჟიც თინეიჯერი, ნახევრად ჯადოქარი საბრინაა.

საბრინა გადაწყვეტს თავისი უნარი გამოიყენოს და ბოროტი ჯადოქრების წინააღმდეგ დიდ ომს იწყებს.

სერიალმა გამოსვლისთანავე მიიპყრო მაყურებლის ყურადღება და ერთ-ერთ ფავორიტ შოუდ იქცა. თუმცა, როგორც აღმოჩნდა ყველა აღფრთოვანებული არ დარჩენილა.

მაგალითად, სატანისტები ნეტფლიქის ამ სერიალს, თავიანთი სიმბოლოს მითვისების გამო უჩივიან და ამბობენ, რომ შოუში ის ზედმეტად დიდ ბოროტებასთან არის გაიგივებული.

კადრი სერიალიდან

კადრი სერიალიდან

გარდა ამისა, სატანისტები მიიჩნევენ, რომ სერიალში მათი სიმბოლოს გამოყენება არაეთიკურია და მათ რელიგიურ გრძნობებს შეურაცხყოფას აყენებს.

საკუთარი უფლებების დასაცავად სატანისტებმა სასამართლოს მიმართეს.