საქართველოს პარლამენტში კანონპროექტების განხილვის ეტაპს რამდენიმე დეპუტატი ესწრება. პარლამენტის ვებგვერდზე, პირდაპირ ეთერში ჩანს, რომ შესვენების დასრულების შემდეგ,16:40 წუთიდან, პლენარულ სხდომათა დარბაზში სულ ორი დეპუტატია.

სხდომის თავმჯომარემ, თამარ ჩუგოშვილმა დეპუტატებს მიმართა დარბაზში დაბრუნებულიყვნენ. ჩუგოშვილის მოწოდების მიუხედავად, პირველ გამომსვლელს, შინაგან საქმეთა მინისტრს, ნათია მეზვრიშვილს კანონპროექტების წარდგენიდან (16:42 წუთი) განხილვის დასრულებამდე(17:00) მხოლოდ ქართული ოცნების რამდენიმე დეპუტატი უსმენდა.

ნათია მეზვრიშვილმა პარლამენტის ოთხკაციან შემადგენლობასთან სულ სამი კანონპროექტი წარადგინა, მათ შორისაა მარიხუანის მოხმარების შეზღუდვის შესახებ კანონპროექტი და ძალადობის წინააღმდეგ არსებული პოლიტიკის გამკაცრების საკითხი. რამდენიმე დეპუტატისთვის უწევთ კანონპროექტების განხილვა ქართული ოცნების დეპუტატებს, სოფო კილაძეს, ირაკლი სესიაშვილსა და აკაკი ზოიძეს.

სხდომას არ ესწრება არც ერთი დეპუტატი ოპოზიციიდან. საპრეზიდენტო არჩევნების შემდეგ, პარლამენტის პირველი პლენარული სხდომა 13:00-ზე პოლიტიკური გამოსვლებით დაიწყო.