ახალქალაქში, სოფელ ბეჟანოში, #46 საარჩევნო უბანზე, კომისიის თავმჯდომარემ დამკვირვებელს ფიზიკური შეურაცხყოფა მიაყენა. შემთხვევის ამსახველი ვიდეო ნეტგაზეთმა გაავრცელა.

ვიდეოში ჩანს, რომ საუბნო საარჩევნო კომისიის თავმჯდომარე რუბიკ ეგუნიანი დამკვირვებელს მობილურ ტელეფონს აგდებინებს.

On.ge-ს შინაგან საქმეთა სამინისტროში განუცხადეს, რომ მომხდარზე გამოძიება დაწყებულია მიუხედავად იმისა, რომ 112-ში შეტყობინება არ შესულა. უწყების ცნობით, მედიაში გავრცელებული კადრების საფუძველზე გამოძიება საქართველოს სისხლის სამართლის კოდექსი 187-ე მუხლის პირველი ნაწილით დაიწყო, რაც სხვისი ნივთის დაზიანებას გულისხმობს.

  • ბოლო ინფორმაცია საპრეზიდენტო არჩევნების შესახებ წაიკითხეთ ლინკზე.