თბილისში, 25 ოქტომბერს, Segrex Auto Gallery-მ ავტომობილების მულტიბრენდული შოურუმი გახსნა. ახალ შოურუმში ისეთი მარკის ავტომობილებია განლაგებული, როგორიცაა: Ferrari, BMW, INFINITI, Mercedes, Toyota და სხვ. კომპანია მომხმარებელს მანქანის შეძენის პროცესს უმარტივებს, რადგან სთავაზობს იმ ლიმიტირებული მოდელების დათვალიერებასა და დატესტვას, რაც აქამდე საქართველოში შეუძლებელი იყო.

"ყველაფერი ერთ სალონშია, რაც ნამდვილად არის მულტიბრენდული შოურუმის უპირატესობა", - აცხადებს, კომპანია “სეგრექს ავტო გალერის“ დირექტორი, კობა ბაზაძე. მისი თქმით, შოურუმს მეტსახელად "საოცნებო მანქანების შოურუმი" დაარქვეს.

მომხმარებლებს, რომლებიც ადგილზე სასურველ მოდელს ვერ აღმოაჩენენ, "სეგრექს ავტო გალერი" ჩამოყვანის სერვისს სთავაზობს. ასეთ შემთხვევაში, მოლაპარაკების შედეგად, დადგინდება ვადები და პირობები და მომხმარებელი სასურველ ავტომობილს გარკვეული პერიოდის შემდეგ მიიღებს.

კომპანიას სიახლეებიც აქვს. ის INFINITI-ის ოფიციალური დილერი გახდა და მომხმარებელს 4 სედანსა და 5 SUV მოდელებს ძალიან მალე შესთავაზებს.

ამჟამად "სეგრექს ავტო გალერი" წარმოდგენილია მხოლოდ თბილისში, თუმცა 2019 წლის პირველი ნახევრიდან შოურუმი ბათუმშიც გაიხსნება.

გარდა ამისა, კომპანიის შოურუმში ელექტრო, ეკოლოგიური და ეკონომოური NIU სკუტერებიცაა განთავსებული. ელექტრონული და ჰიბრიდული ავტომობილების ხაზის კიდევ უფრო განვითარებაზე კი კომპანიამ მუშაობა უკვე დაიწყო.

მულტიბრენდული შოურუმი აღმაშენებლის ხეივნის მე-12 კილომეტრზე, 5 ნომერში გაიხნა.