კონკია და პატარა ქალთევზა დისნეის კლასიკად ქცეული ანიმაციური ფილმებია, რომლებიც ყველა ასაკის ადამიანს ერთნაირად უყვარს. მიუხედავად ამისა, როგორც კირა ნაითლი ამბობს, ის თავის სამი წლის შვილს დისნეის ანიმაციებს არ აყურებინებს.

კირას თქმით, კონკია და არიელი ძალიან ცუდ მაგალითს აძლევს გოგოებს, რადგან იქ ქალების გაძლიერებისა და მხარდაჭერისთვის არაფერი მოიძებნება.

"კონკია ელოდება ხსნას მდიდარი კაცისგან. ამან რა მაგალითი შეიძლება მისცეს გოგოებს? გარდა ამისა, გავიხსენოთ არიელი, ის საკუთარ ხმას კაცის გამო თმობს, საშინელებაა. გოგოებო, გთხოვთ, არ დათმოთ კაცების გამო თქვენი ხმა!", - ამბობს კირა.

აკრძალული ანიმაციების სიაში არ მოხვდნენ მოანა და გაყინული, რომლებიც კირას თქმით დამოუკიდებელ, ძლიერ ქალებს გვაჩვენებენ.