როგორც უკვე იცით, ბრიტანელი ჟურნალისტისა და ტელეწამყვანის, პირს მორგანის კრიტიკის სამიზნე ჯეიმს ბონდის როლის შემსრულებელი დენიელ კრეიგი გახდა. მიზეზი კი სრულიად უწყინარი იყო. მორგანმა კრეიგს კაცობადაკარგული ბონდი მხოლოდ იმიტომ უწოდა, რომ ის საკუთარ შვილზე ზრუნავს.

ამ ამბავს გამოეხმაურა კაპიტან ამერიკას როლის შემსრულებელი, კრის ევანსი, რომელმაც მორგანის საქციელი გააკრიტიკა და თქვა, რომ ყველა კაცი, ვინც სხვის მასკულინურობას ზომავს, შეშინებულია.

"ალბათ, ძალიან უნდა გაღელვებდეს საკუთარი მასკულინურობა, რომ სხვა კაცის მიერ ბავშვზე ზრუნვამ ასე შეგაწუხოს.ყველა კაცი, ვინც სხვის მასკულინურობას ზომავს, თვითონ არის შეშინებული", - წერს ტვიტერზე ევანსი.

მორგანის ასეთმა ფრაზამ დიდი აღშფოთება გამოიწვია ტვიტერზეც და მამებმა, დენიელ კრეიგისადმი სოლიდარობის ნიშნად, თავიანთ შვილებთან ერთად გადაღებული ფოტოები ატვირთეს.