ახლახან ემი უაინჰაუზის ოჯახის წევრებმა დაადასტურეს, რომ 2019 წელს მომღერლის შესახებ ბიოგრაფიული დრამის გადაღება დაიწყება.

"მოხარულები ვართ, რომ ემის არაორდინალური ცხოვრება და მისი ნიჭი ასე დაფასდება", - თქვა პრესასთან განცხადების გაკეთების დროს ემის მამამ, მიტჩ უაინჰაუზმა.

როგორც ცნობილია, ფილმის გადაღების უფლება Monumental Pictures-მა მოიპოვა, თუმცა ამ ეტაპზე უცნობია, ვინ შეასრულებს მომღერლის როლს.

ემი უაინჰაუზი ბრიტანელი სოულ, ჯაზ და რიტმ-ენდ-ბლუზ მომღერალი და სიმღერების ტექსტების ავტორი იყო. გამოსცა ორი სტუდიური ალბომი. გარდაიცვალა 2011 წლის 23 ივლისს, 27 წლის ასაკში.