საგარეჯოს მუნიციპალიტეტის სოფელ ლამბალოში, სავარაუდოდ, არასრულწლოვანი გოგო სახლიდან მოიტაცეს. შემთხვევა გუშინ, 12 ოქტომბერს მოხდა.

ამის შესახებ ინფორმაცია ნეტგაზეთმა გაავრცელა. მათივე ცნობით, 17 წლის გოგო სახლიდან ორმა პირმა, უმცროსი დის თანდასწრებით მოიტაცა.

ამავე გამოცემას გატაცებულის ბიძამ, ქაზანფარ მამედოვმა განუცხადა, რომ ინციდენტის დროს, ის სკოლიდან ახალი დაბრუნებული იყო და საცხოვრებელში 12 წლის დასთან ერთად იყო.

შინაგან საქმეთა სამინისტროში On.ge-ს უთხრეს, რომ გატაცებულ გოგოს ამ დრომდე ეძებენ. საქმეზე გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს. დანაშაული ორიდან ოთხ წლამდე თავისუფლების აღკვეთას გულისხმობს.