გორის მერიის ადმინისტრაციის უფროსმა, თემურ მანველიშვილმა სამოქალაქო აქტივისტ გიგა მაქარაშვილს თავზე ნაგვიანი ვედრო დაამხო. ფაქტის ამსახველ ვიდეომასალას ტელეკომპანია დია ავრცელებს.

შემთხვევა მას შემდეგ მოხდა, რაც აქციის მონაწილეებმა გორის მერიასთან მიტანილი ფუნის და საკენკის დალაგება დაიწყეს. მერიიდან გამოსულმა მანველაშვილმა აქტივისტების მიერ ნაგვისთვის განკუთვნილი ვედრო აიღო მაქარაშვილს თავზე დაამხო და მერიაში შებრუნდა.

"აალაგეთ ახლა ეს. ეს ყველას თავზე დაგაყრით გაიგეთ", — განაცხადა მან მერიაში შესვლის წინ. რუსეთი ოკუპანტიას წევრებმა პატრული გამოიძახეს და საჩივარი დაწერეს.

On.ge დაუკავშირდა გორის მერიას იმის დასადატურებლად არის თუ არა ვიდეოზე ასახული პირი ნამდვილად მერიის თანამშრომელი, რაზეც მერიაში გვიპასუხეს "ვერ ვცნობ". მას შემდეგ, რაც მერიას ვიდოემასალა ვაჩვენეთ გვიპასუხეს, რომ "ვერ დაგვიდასტურებდნენ".

როგორც On.ge-ს შინაგან საქმეთა სამინისტროში განუცხადეს საქმეზე გამოძიება სისხლის სამართლის კოდექსის 126-ე მუხლის პირველი პრიმა ნაწილით დაიწყო, რაც ძალადობას გულისხმობს

დღეს, 10 ოქტომბერს გორის მერის, კონსტანტიტნე თავზარაშვილის წინააღმდეგ აქცია გაიმართა. აქციის მონაწილეები აპროტესტებდნენ მის განცხადებას აგვისტოს ომთან დაკავშირებით, რომელშიც მოსახლეობის დაბომბვა და ომის დაწყება საქართველოს დააბრალა.

მოძრაობა რუსეთი ოკუპანტიას წევრებმა გორის მერიასთან ფუნა და საკენკი მიიტანეს. აქციის მონაწილეების განცხადებით, მერმა ბოდიში უნდა მოიხადოს ან გადადგეს. ისინი მოითხოვდნენ თავზარაშვილთან შეხვედრას, თუმცა მერიაში განაცხადეს, რომ ის სამსახურში არ იმყოფება.

აქციის მონაწილეების განცხადებით, დაელოდებიან სამუშაო დღის დასრულებას და თავზარაშვილს შენობის დატოვებისას სირცხვილის კორიდორში გაატარებენ. მათი თქმით, თუკი გორის მერი ბოდიშს არ მოიხდის, საპროტესტო აქცია მის სახლთან გადაინაცვლებს.