მმართველი გუნდის მიერ მხარდაჭერილმა კანდიდატმა, სალომე ზურაბიშვილმა კომერციული ბანკებიდან მილიონი ლარი ისესხა. ამის შესახებ სალომე ზურაბიშვილის ფინანსურ ანგარიშში წერია, რომელიც აუდიტის სამსახურმა გამოაქვეყნა. ანგარიში 12 სექტემბრიდან 2 ოქტომბრის ჩათვლით პერიოდს მოიცავს.

ამავე ანგარიშის მიხედვით, სალომე ზურაბიშვილის საარჩევნო კამპანიის პერიოდში12 სექტემბრიდან 2 ოქტომბრის შუალედში 1 890 744 ლარი დაიხარჯა, მათ შორის 1 438 894 — რეკლამაზე.

საქართველოს საარჩევნო კოდექსში ვკითხულობთ, რომ საარჩევნო სუბიექტი, რომელიც საპრეზიდენტო არჩევნების პირველ ტურში ამომრჩეველთა ხმების 10%-ს ან მეტს მიიღებს, საქართველოს სახელმწიფო ბიუჯეტიდან ერთჯერადად არაუმეტეს 1 000 000 ლარის მიღების უფლება აქვს. ამ თანხით საპრეზიდენტო კანდიდატს შეუძლია არჩევნების საარჩევნო კამპანიისას გაწეული ხარჯები დაფაროს.

სალომე ზურაბიშვილს 1-3 ოქტომბერს სულ მილიონ ლარზე მეტი შესწირეს. ბიძინა ივანიშვილის ძმასთან ერთად, სალომე ზურაბიშვილის შემწირველთა შორის არის თბილისის მერი კახა კალაძე, რომელმაც დამოუკიდებელ კანდიდატს 50 000 ლარი გადაურიცხა.

ზურაბიშვილის შემწირველთა სიაში ჩაჩავასა და ღუდუშაურის კლინიკების თანამშრომლები მოხვდნენ. პრეზიდენტობის კანდიდატმა თითოეული ექიმისგან 7-დან 50 ათას ლარამდე შემოწირულობა მიიღო.

ამავე თემაზე: