გადაცემა არჩევანში ნაციონალური მოძრაობის წევრი, ნიკა მელია და ქართული ოცნების წევრი, ზვიად ძიძიგური ერთმანეთს სიტყვიერად დაუპირისპირდნენ.

საუბარი ზვიად ძიძიგურს უნდა დაეწყო, თუმცა ნიკა მელია ხელს უშლიდა, ამას მოჰყვა ძიძიგურისგან რეპლიკა: "ეე, დამშვიდდი, ბიჭო". ოპონენტის სიტყვების გამო ფეხზე წამოდგა ნიკა მელია და ძიძიგურისკენ გაიწია.

მელიას, რომელიც ძიძიგურისკენ იწეოდა და პარალელურად მმართველ გუნდს აკრიტიკებდა, გადაცემის წამყვანი აკავებდა და სიმშვიდისკენ მოუწოდებდა. ზვიად ძიძიგურმა კი რამდენჯერმე გაიმეორა:

"დაეგდე, ბიჭო, მანდ!"

რამდენიმე წუთის შემდეგ დაპირისპირება გაგრძელდა ახალი საქართველოს ლიდერს, გიორგი ვაშაძესა და ქართული ოცნების წევრს, ვატო შაქარიშვილს შორის. მათ მმართველი გუნდის მიერ მხარდაჭერილ საპრეზიდენტო კანდიდატზე, სალომე ზურაბიშვილზე იკამათეს.

"გაჩუმდი, შე ოროსანო!" — მიმართ ვაშაძემ შაქარიშვილს.