ფრანგმა შემსრულებელმა DJ Snake-მა ახალი სიმღერა Taki Taki გამოუშვა, რომელშიც სელენა გომეზს, Cardi B-ის და Ozuna-საც მოუსმენთ.

როგორც ბილბორდი წერს, შემსრულებლები ერთმანეთის ფანები არიან და ამიტომ კოლაბორაცია მათთვის საინტერესო იყო.

ერთობლივი სიმღერა შემსრულებლებმა ჯერ კიდევ სექტემბრის დასაწყისში დააანონსეს. Taki Taki ფრანგმა დიჯეიმ თავდაპირველად რეგეტონის პუერტო-რიკოელ შემსრულებელ Ozuna-სთვის დაწერა, თუმცა მოგვიანებით სიმღერაში ქალი ხელოვანების ჩართვაც გადაწყდა.

"თავდაპირველად სიმღერა Ozuna-ს გავუგზავნე და მას ის მაშინვე შეუყვარდა. თუმცა, რეგეტონის შემსრულებლის გარდა, მინდოდა ის ქალებსაც შეესრულებინათ და საბოლოოდ ეს ორი დედოფალი აქაა. ყოველთვის მსურდა ასეთი რამის შექმნა, ისინი თავისი დიდებულებით და უსაზღვრო ენერგიით ყველაფერს ალამაზებენ. საოცარი კოლაბორაცია გამოვიდა", - თქვა DJ Snake-მა.

Taki Taki-მდე ამერიკელმა რეპერმა Cardi B-იმ და Ozuna-მ სიმღერაზე La Modelo იმუშავეს ერთად.