ლეგენდარულმა ბრიტანელმა მსახიობმა, ჯუდი დენჩმა სან სებასტიანის კინოფესტივალზე კევინ სპეისის შესახებ დასმულ კითხვას უპასუხა და თქვა, რომ მიუხედავად მისი საქციელებისა, ის ფილმიდან არ უნდა ამოეჭრათ.

დენჩმა და სპეისიმ 2001 წელს ერთად ითამაშეს ფილმში The Shipping News. დენჩი იხსენებს, რომ კევინი მას თავს ძალიან კომფორტულად და კარგად აგრძნობინებდა.

"არ ვეთანხმები იმ აზრს, რომ მსახიობი მისი ქცევების გამო შეიძლება ფილმიდან ამოჭრა. მაშინ მივუბრუნდეთ ისტორიას და ყველას ასე მოვექცეთ", - ამბობს დენჩი.

გარდა ამისა, დენჩმა აღნიშნა, რომ ის კევინის კარგი მეგობარი იყო და მის ქცევებზე წარმოდგენაც კი არ ჰქონია.

შეგახსენებთ, რომ კევინ სპეისი სექსუალური შევიწროებისა და გაუპატიურების გახმაურებული საქმის გამო, რიდლი სკოტის ფილმიდან ამოჭრეს. მის ამგივრად როლი კრისტოფერ პლამერმა შეასრულა.