მროველ-ურბნელმა მიტროპოლიტმა, მეუფე იობმა განაცხადა, რომ მარიხუანის კულტივაციის კანონპროექტი არა ქვეყნის სასარგებლოდ, არამედ კონკრეტული ადამიანის ინტერესებისთვის შემუშავდა.

მეუფის განცხადებით, საქართველო არ არის იმ დონის სახელმწიფო, სადაც კულტივაციისა და გატანის საკითხი ან დაცული იქნება, ან კანონს დაექვემდებარება.

"ყველამ ვიცით ამის შესახებ და ყველა დარწმუნებული ვართ, რომ საქართველოში დღეს ვისაც ძალაუფლება აქვს, გინდათ სიმდიდრიდან გამომდინარე, გინდათ პოლიტიკური თანამდებობიდან გამომდინარე, ის აკეთებს ყველაფერს, რაც სურს", - განაცხადა მეუფემ TV პირველთან საუბრისას.

საქართველოს პარლამენტმა კანაფის კონტროლის შესახებ კანონის პროექტის განხილვა გადაავადა. გადაწყვეტილება დეპუტატებმა 17 სექტემბრის ბიუროს სხდომაზე მიიღეს. გადავადება ნიშნავს, რომ კანონპროექტის საკომიტეტოს განხილვა პარლამენტში ჯერ არ დაიწყება. უცნობია გადავადების ზუსტი დროც.

კანონპროექტის გადავადების გადაწყვეტილება უმრავლესობამ მას შემდეგ მიიღო, რაც აღნიშნულ ინიციატივას საქართველოს მართლმადიდებელი ეკლესია დაუპირისპირდა.

ამავე თემაზე: