პარლამენტის თავმჯდომარის, ირაკლი კობახიძის თქმით, პარლამენტის იდენტობის გამყარებისთვის მნიშვნელოვანია, რომ მას ჰქონდეს ერთი სასახლე და იყოს დაფუძნებული დედაქალაქში:

"ჩვენ ვაძლიერებთ პარლამენტის საზედამხედველო ფუნქციებს, რაც ნიშნავს იმას, რომ უნდა იყოს ყოველდღიური ინტერაქცია პარლამენტსა და მთავრობას შორის, რაც შეუძლებელია, პრაქტიკულად, იმ პირობებში, როდესაც მთავრობა არის ერთ ქალაქში და პარლამენტი მეორე ქალაქში".

მისივე თქმით, პარლამენტის თბილისში გადატანით დაიზოგება 2,5 მილიონი ლარი.

პარლამენტის თბილისში გადასვლის შესახებ ინფორმაციოა 21 სექტემბერს გახდა ცნობილი. პარლამენტის ვიცე-სპიკერის, თამარ ჩუგოშვილის თქმით, გართულებულია პარლამენტის მუშაობა ორ შენობაში და მისივე განცხადებით, ეს პარლამენტს, როგორც ინსტიტუციას ძალიან აზიანებს.

ქუთაისში მდებარე პარლამენტის შენობის შინაგან საქმეთა სამინისტროსთვის გადაცემის შემდეგ, უწყება აღნიშნულ შენობაში პოლიციის რეგიონული ცენტრის განთავსებას გეგმავს.