საქართველოს სხვადასხვა კუთხეების მოვლის შემდეგ ქეთევან წამებულის ძვლები საქართველოში მოგზაურობას ასრულებს და ინდოეთში ბრუნდება. საქართველოს საპატრიარქოს ინფორმაციით, ქეთევან დედოფლის ძვლებს, ინდოეთში დაბრუნებამდე კიდევ რამდენიმე ეკლესიაში დაასვენებენ:

  • 21 სექტემბრამდე სულთმოფენობის ეკლესია ვაჟა ფშაველას გამზირზე;
  • 21-24 სექტემბერი დავით აღმაშენებლის სახელობის ეკლესია სახელმწიფო უნივერსიტეტთან;
  • 24-26 სექტემბერი ალავერდის მონასტერი;
  • 26 სექტემბერი ეროვნულ მუზეუმი;
  • 28 სექტემბერს, გამთენიისას, ქეთევან დედოფლის წმინდა ნაწილები დაბრუნდება ინდოეთში.

ინდოეთიდან საქართველოში წმინდანად შერაცხული ქეთევან დედოფლის ნაწილების ექვსი თვით ჩამოტანისთვის 343 310 ლარი გამოიყო.

დედოფლის ძვლებმა სხვადასხვა რეგიონები, მათ შორის ზუგდიდი, კახეთი და თბილისი მოიარა. ნეშტის ტრანსპორტირებას, საპატრიარქოს ჩართულობით, კულტურისა და ძეგლთა დაცვის და საგარეო საქმეთა სამინისტროები უზრუნველყოფენ.