ხორავას ქუჩაზე მოკლულის მამა, ზაზა სარალიძე პარლამენტთან მიმდინარე საპროტესტო აქციაზე შეუძლოდ გახდა. მასთან სასწრაფო სამედიცინო დახმარების ეკიპაჟი მივიდა.

ფეისბუქგვერდი, მამები სიმართლისთვის წერს, რომ ზაზა სარალიძისთვის ჯანმრთელობის პრობლემების გამო შიმშილობა არ შეიძლება და მისი მდგომარეობა უარესდება.

ზაზა სარალიძე ექიმებმა სამედიცინო დაწესებულებაში გადაიყვანეს.

ზაზა სარალიძე და მალხაზ მაჩალიკაშვილი საქართველოს პარლამენტთან მეექვსე დღეა შიმშილობენ. ზაზა სარალიძე ითხოვს მისი შვილის მკვლელისა და იმ ადამიანების დასჯას, ვინც მკვლელს ხელს აფარებდა, მალხაზ მაჩალიკაშვილი კი სპეცოპერაციის შედეგად დაღუპული შვილის საქმის გამოძიებას ითხოვს. მისი თქმით, თემირლან მაჩალიკაშვილი არ იყო დაკავშირებული ტერორისტებთან და სახელმწიფოს მხრიდან ადგილი ჰქონდა გადაცდომას.

ზაზა სარალიძემ აქციები 10 სექტემბერს მას შემდეგ, განაახლა, რაც პარლამენტში შექმნილმა საგამოძიებო კომისიამ ანგარიში გამოაქვეყნა.

2018 წლის 31 მაისს ხორავას ქუჩაზე მომხდარი მკვლელობის საქმეზე მოსამართლემ განაჩენი გამოაცხადა, რომლის მიხედვითაც დავით სარალიძის მკვლელი უცნობია, რასაც დაზარალებული ზაზა სარალიძის მხრიდან პროტესტი მოჰყვა. მან ქუჩის გამოსვლების ორგანიზება დაიწყო