აშშ-ის პრეზიდენტმა, დონალდ ტრამპმა 2016 წლის საპრეზიდენტო არჩევნებში ჩარევისთვის ახალ სანქციებს მოაწერა ხელი. სანქციები ჩარევაში ბრალდებულ უცხო ქვეყნის კომპანიებსა და მოქალაქეებს შეეხებათ, წერს Reuters.

სანქციები მოიცავს აქტივების გაყინვას, აშშ-ის საფინანსო სისტემასთან შეზღუდულ წვდომასა და ამერიკელებისთვის სანქცირებულკ ომპანიებთან თანამშრომლობის აკრძალვას. როგორც პრეზიდენტის მრჩეველმა თავდაცვის საკითხებში, ჯონ ბოლტონმა განაცხადა, სანქციების დაწესების გადაწყვეტილებას სახელმწიფო დეპარტამენტი და ფინანსთა სამინისტრო მიიღებენ.

"ეს კიდევ ერთი მცდელობაა, რომელიც ადმინისტრაციას აშშ-ის საარჩევნო სისტემისა და პოლიტიკური პროცესების უცხოური ჩარევისგან დასაცავად შემოაქვს", — განაცხადა ბოლტონმა.

2016 წლის საპრეზიდენტო არჩევნებში ჩარევის ბრალდებით აშშ-მ სანქციები უკვე აამოქმედა 13 პირისა და სამი კომპანიის წინააღმდეგ, რომლებიც ბიზნესმენთან და "პუტინის მზარეულთან" ევგენი პრიგოჟინთან არის კავშირში.