ბრიტანელი რეჟისორი კენ ლოუჩი ახალ დრამას, Sorry We Missed You, იღებს, რომლის პრემიერაც დიდ ბრიტანეთში 2019 წელს შედგება.

ფილმის სიუჟეტი რიკისა და მისი ოჯახის გარშემო ვითარდება, რომელთაც 2008 წელს ფინანსურმა კრიზისმა დიდი დარტყმა მიაყენა და ოჯახი ვალების გადახდას თავს ვეღარ აბამს.

სწორედ ამიტომ, რიკი ერთადერთ გამოსავლად თვითდასაქმებას თვლის და ავტოფარეხიდან ძველ ფურგონს გამოიყვანს, რომლითაც კერძო შეკვეთებს ასრულებს.

რეჟისორს თავისმა ბოლო მხატვრულმა ფილმმა, I, Daniel Blake, კანის კინოფესტივალზე რიგით მეორე ოქროს პალმის რტო მოუტანა.