საქართველო-ლატვიის მატჩზე, დინამო არენის მეცხრე სექტორში გურამ კაშიას მხარდამჭერებსა და პოლიციას შორის შელაპარაკება მოხდა.

პოლიციელები თამაშის პირველ ტაიმში მხარდამჭერებს მოუწოდებდნენ, რომ მოედნიდან გურამ კაშიას მხარდასაჭერი პლაკატები აეღოთ. გულშემატკივრებმა პლაკატების აღებაზე უარი განაცხადეს, რის შემდეგაც მათ შორის დაპირისპირება დაიწყო. გულშემატკივრების თქმით, პოლიციას არგუმენტი არ აქვს და მათ კაშიას მხარდასაჭერი პლაკატები არ მოხსნეს.