ირლანდიური როკ-ბენდის The Cranberries-ის სოლისტი დოლორეს ო'რიორდანის გარდაცვალების მიზეზი ცნობილი გახდა. როგორც ვესტმინსტერის გამომძიებელმა განაცხადა, მუსიკოსი ალკოლოლით მოწამლული იყო და აბაზანაში დაიხრჩო.

გამომძიებლის განცხადებით, სიკვდილის მიზეზი უბედური შემთხვევა იყო და ძალადობის ან თვითდაზიანების ნიშნები არ იკვეთებოდა. მომღერალი სასტუმროს აბაზანაში იპოვეს.

დოლორეს ო'რიორდანი 15 იანვარს, 46 წლის ასაკში გარდაიცვალა. ის ლონდონში იმყოფებოდა, სადაც ჯგუფთან ერთად მუსიკის ჩასაწერად ჩავიდა. მისი გარდაცვალება ყველასთვის მოულოდნელი იყო.