AP: პორტუგალიაში მადეირას კუნძულზე გაჩენილი ხანძრის შედეგად სამი ადამიანი გარდაიცვალა. როგორც ხელისუფლების წარმომადგენლები ამბობენ, გარდაცვლილები ხანდაზმულები არიან და მათ ხანძრისათვის თავის დაღწევა ვერ მოახერხეს.

დაკარგულია ერთი ადამიანი, ორი კი მძიმედაა დაშავებული. სამასზე მეტ ადამიანს აღენიშნება მცირე დამწვრობა და სასუნთქი გზების პრობლემები.

ძლიერი ქარის გამო ცეცხლის ჩაქრობა ვერ მოხერხდა და სახელმწიფომ მოსახლეობის ევაკუაცია გადაწყვიტა. კუნძულიდან სულ ათასამდე ადამიანი გადაიყვანეს. მათ შორის, ადგილობრივები და ტურისტები.

დამწვარია რამდენიმე ათეული სახლი და რამდენიმე ხუთვარსკვლავიანი სასტუმრო. ხანძრის ჩასაქრობად 3 ათასამდე მეხანძრე იყო მობილიზებული.