საქართველოს ნაკრების ფეხბურთელი, გურამ კაშია ნიკოლოზ ბასილაშვილის რაფაელ ნადალთან მერვედფინალში გამართულ მატჩს გამოეხმაურა და ქართველ ჩოგბურთელს "დღის გმირი" უწოდა. ამის შესახებ კაშიამ ინსტაგრამის სთორიში დაპოსტა.

ფოტო: გურამ კაშია / Instagram

მსოფლიოს პირველ ჩოგანს, რაფაელ ნადალსა და ნიკოლოზ ბასილაშვილს შორის მატჩი გუშინ, 3 სექტემბერს გაიმართა. თამაში სამ საათზე მეტხანს გაგრძელდა და ჩოგბურთელებმა ოთხი სეტი ითამაშეს, რის შემდეგაც ნადალმა ანგარიშით 6-3, 6-3, 6-7, 6-4 მოიგო.

მსოფლიოს პირველმა ჩოგანმა თამაშის შემდეგ თქვა, რომ ბასილაშვილი ძლიერი მოწინააღმდეგე იყო. ასევე, ნადალმა აღნიშნა, რომ ბასილაშვილი ძლიერად ურტყამდა და აგრესიულად თამაშობდა.

ბასილაშვილი რაფაელ ნადალთან მერვედფინალში გამართულ მატჩს გამოეხმაურა და თქვა, რომ ჩემპიონის წინააღმდეგ კარგი მატჩი იყო და ნადალს შემდეგ რაუნდში წარმატებას უსურვებს.