ქართველი ჩოგბურთელი ნიკოლოზ ბასილაშვილი მერვედფინალში მსოფლიოს პირველ ჩოგანთან, რაფაელ ნადალთან დამარცხდა. შესაბამისად, ბასილაშვილი ამერიკის ღია პირველობას გამოეთიშა.

თამაში სამ საათზე მეტხანს გაგრძელდა და ჩოგბურთელებმა ოთხი სეტი ითამაშეს: 6-3, 6-3, 6-7, 6-4.

მსოფლიოს პირველმა ჩოგანმა თამაშის შემდეგ თქვა, რომ ბასილაშვილი ძლიერი მოწინააღმდეგე იყო. ასევე, ნადალმა აღნიშნა, რომ ბასილაშვილი ძლიერად ურტყამდა და აგრესიულად თამაშობდა.