საქსტატის მონაცემებით, საქართველოს სასტუმროებს უმეტესად რუსეთიდან სტუმრობენ

საქართველოს სტატისტიკის ეროვნული სამსახურის ინფორმაციით, 2017 წელს საქართველოს სასტუმროებს უმეტესად რუსეთიდან (16,9 პროცენტი) სტუმრობდნენ.

საქსტატის სტატისტიკის მიხედვით ირკვევა, რომ ევროკავშირის ქვეყნებიდან შემოსულ სტუმართა შორის უმეტესობა (20 პროცენტი) პოლონეთიდანაა, 17,9 პროცენტი კი გერმანიიდან.

სხვა ქვეყნებიდან შემოსულ სტუმართა შორის უდიდესი წილი თურქეთსა (27,5 პროცენტი) და ირანს (20, 1 პროცენტი) უკავია.

2017 წელს 2016 წელთან შედარებით სტუმართა რაოდენობა გაიზარდა:

რუსეთიდან - 73,6 პროცენტით;
თურქეთიდან - 60,8 პროცენტით, ირანიდან 2,4 - ჯერ;
უკრაინიდან - 37 პროცენტით;
აზერბაიჯანიდან - 44,8 პროცენტით;
ისრაელიდან - 26,4 პროცენტით;
სომხეთიდან - 61,3 პროცენტით;
პოლონეთიდან - 1,1 პროცენტით;
საუდის არაბეთიდან - 2,2 -ჯერ.

საზღვარგარეთის ქვეყნებიდან საქართველოს სასტუმროებს რეკრეაციისა და დასვენების მიზნით 78,4 პროცენტი სტუმრობს, საქმიანი და პროფესიული მიზნით - 13,8 პროცენტი, მკურნალობის მიზნით - 1,9 პროცენტი, ხოლო დარჩენილი 5,9 პროცენტს განსხვავებული მიზნები აქვს.

რეკრეაციისა და დასვენების მიზნით, სასტუმროებსა და სასტურმოს ტიპის დაწესებულებებში
განთავსებული სტუმრების 17,3 პროცენტი რუსეთიდანაა; 16,5 პროცენტი - თურქეთიდან; 12,4 პროცენტი - ირანზე; 6,8 პროცენტი - უკრაინაზე; 5,4 პროცენტი - ისრაელზე; 4,3 პროცენტი - აზერბაიჯანზე; 4 პროცენტი - სომხეთზე; 2,2 პროცენტი საუდის არაბეთზე; 2,1 პროცენტი - პოლონეთზე და 1,8 პროცენტი - გერმანიაზე.