შინაგან საქმეთა სამინისტროს ინფორმაციით, ანაკლიაში ჩადენილ გაუპატიურებაში ბრალდებული პირი მაშინ დააკავეს, როდესაც ის ქვეყნის დატოვებას ცდილობდა.

უწყების განცხადებით, ბრალდებულმა მიმდინარე წლის 27 აგვისტოს სოფელ ანაკლიაში, დაზარალებულთან მისსავე დროებით საცხოვრებელ ბინაში, სქესობრივი კავშირი იძულებით დაამყარა და შემთხვევის ადგილიდან მიიმალა. უწყებაში ამბობენ, რომ სამართალდამცველებმა ბრალდებული შემთხვევიდან რამდენიმე საათში თბილისის საერთაშორისო აეროპორტში დააკავეს.

გამოძიება გაუპატიურების საქმეზე, საქართველოს სისხლის სამართლის კოდექსის 137-ე მუხლით მიმდინარეობს.