სამეცნიერო ფანტასტიკის ერთ-ერთი ყველაზე თვალსაჩინო წარმომადგენლის, აიზეკ აზიმოვის ტრილოგიის "დასაბამის" მიხედვით, Apple-ს დაკვევით სერიალს გადაიღებენ.

კომპანიამ საავტორო უფლებები აპრილში შეიძინა და სერიალის 10 სერია მოსამზადებლად დაუკვეთა. მისი აღმასრულებელი პროდიუსერები დეივიდ გოიერი და ჯოშ ფრიდმანი იქნებიან. დეივიდ გოიერი Dark Knight-ის ავტორია, ხოლო ჯოშ ფრიდმანი "სარა ქონორის ქრონიკების". სერიალის გადაღებაში ჩართული იქნება კომპანია Skydance, რომელსაც წარსულში ისეთი პროექტები ეკუთვნის, როგორიცაა ტერმინატორი და Star Trek-ი.

"დასაბამი" აიზეკ აზიმოვის მოთხრობებისა და მოკლე ნოველების სერიაა და ის მოგვითხრობს სხვადასხვა პლანეტებზე მცხოვრები ადამიანების შესახებ, რომლებიც "გალაქტიკის იმპერიის" მორჩილების ქვეშ ცხოვრობენ. "დასაბამის" სერიების პირველი მოთხრობა 1942 წელს დაიწერა, ხოლოდ 1951 წლიდან ნოველების გამოქვეყნებაც დაიწყო.

აზიმოვის ტრილოგიის მიხედვით სერიალისა თუ ფილმის გადაღება არაერთხელ უცდია Fox-ს, Warner Brothers-სა და HBO-ს, თუმცა ყველა ცდა წარუმატებელი აღმოჩნდა. Apple-სთვის კი ეს იქნება მეორე წამოწყებული პროექტი. პირველი Are you sleeping now არის, რომელშიც ერთ-ერთ მთავარ როლს ოქტავია სპენსერი შეასრულებს.

ჯერჯერობით უცნობია, როდის გამოვა სერიალი. Apple-სთვის ეს გრანდიოზული პროექტი იქნება, რადგან "დასაბამს" უამრავი მკითხველი ჰყავს, რომლებიც წლებია ელოდებიან მის ეკრანიზაციას. ვარაუდობენ, რომ თავისი მასშტაბებით, "დასაბამი" სამეფო კარის თამაშებსაც გაუტოლდება.