გერმანიის კანცლერის ორდღიანი ვიზიტი საქართველოში დასრულდა. ის საქართველოდან სომხეთში უკვე გაემგზავრა. 25 აგვისტოს კი იგი აზერბაიჯანის დედაქალაქს, ბაქოს ესტუმრება.

ანგელა მერკელი თბილისიდან საქართველოს პრემიერ-მინისტრმა მამუკა ბახტაძემ გააცილა.

კანცლერის ვიზიტი საქართველოში 23 აგვისტოს დაიწყო. ვიზიტის ფარგლებში ის შეხვდა საქართველოს პრემიერ-მინისტრს, მამუკა ბახტაძეს. შეხვედრის შემდეგ საერთო პრესკონფერენცია გაიმართა. კანცლერი საქართველოს პრეზიდენტს პირადად შეხვდა და შემდგომ ომში დაღუპულ გმირთა მემორიალი გვირგვინით შეამკო. ვიზიტის მეორე დღეს, კანცლერმა თბილისის სახელმწიფო უნივერსიტეტში სტუდენტების კითხვებს უპასუხა, შემდგომ საოკუპაციო ხაზთან ჩავიდა. მერკელის ვიზიტი "ღირსეული პარტნიორის" მონაწილ გერმანელ ჯარისკაცებთან შეხვედრით დასრულდა.