გერმანიის კანცლერი ანგელა მერკელი საოკუპაციო ხაზთან იმყოფებოდა. ის სოფელ ოძისიდან საოკუპაციო ხაზს მიღმა არსებულ ტერიტორიებს დააკვირდა.

ევროკავშირის მისიის წარმომადგენლებმა მერკელს ადგილზე არსებული ვითარება გააცნეს. მედიასთან კომენტარი არ გაკეთებულა.

გერმანიის კანცლერის, ანგელა მერკელის ორდღიანი ვიზიტი საქართველოში დღეს სრულდება. ანგელა მერკელი სწავლება "ღირსეული პარტნიორის" მონაწილე გერმანელ ჯარისკაცებს შეხვდება, რის შემდეგაც საქართველოს დატოვებს და სომხეთში გაემგზავრება.

კანცლერის ვიზიტი საქართველოში 23 აგვისტოს დაიწყო. ვიზიტის ფარგლებში ის შეხვდა საქართველოს პრემიერ-მინისტრს, მამუკა ბახტაძეს. შეხვედრის შემდეგ საერთო პრესკონფერენცია გაიმართა. კანცლერი საქართველოს პრეზიდენტს პირადად შეხვდა და შემდგომ ომში დაღუპულ გმირთა მემორიალი გვირგვინით შეამკო.