წარმოიდგინეთ, რომ კაფეში შეხვედით და სანამ საჭმელს ჭამდით, მისი ფასი გაორმაგდა. ეს ჰიპერინფლაციის რეალობაა - როცა ქვეყნები ეკონომიკისთვის შეუსაბამოდ ბევრ ფულს ბეჭდავენ, რაც ფულს უსარგებლოდ აქცევს.

ვენესუელა ამჟამად ჰიპერინფლაციის კრიზისშია, ეს ყველაზე მძიმე შემთხვევაა 2007-2009 წლის ზიმბამბვეს ინფლაციის შემდეგ. წლის ბოლოსთვის სიტუაციის გაუარესებას ელოდებიან. მთავრობა ინფლაციას ახალი ვალუტის შემოღებით ებრძვის, თუმცა მანამდე ქვეყანაში შერეული ბანკნოტები მოქმედებს.

ამჟამად ვენესუელელები ტუალეტის ქაღალდში მილიონებს იხდიან. იმისთვის, რომ სიტუაცია თვალსაჩინო გამხდარიყო, ფოტოგრაფმა კარლოს გარსია როულინსმა ყოველდღიური ნივთები იმ ფულთან ერთად გადაიღო, რომლის გადახდაც მათ შესაძენად მოგიწევთ.

2.4 კგ ქათამი 14,600,000 ბოლივარი ღირს. მისი რეალური ფასი $2.22-ია.

ტუალეტის ქაღალდი, რომლის ფასიც $0.40-ია, 2,600,000 ბოლივარი ღირს.

ერთი კილოგრამი სტაფილო ($0.46) - 3,000,000 ბოლივარი.

საფენების შეკვრა, რომლის ფასიც $0.53-ია, ვენესუელაში 3,500,000 ბოლივარი ღირს.

ბავშვის საფენები - 8,000,000 ბოლივარი, რაც $1.22-ის ეკვივალენტია.

ერთი კილოგრამი ყველის შესაძენად ($1.14) 7,500,000 ბოლივარის გადახდა მოგიწევთ.

ერთი კილო ბრინჯი 2,500,000 ბოლივარის გვერდით. მისი ფასი აშშ-ში $0.38-ია.

საპონი 3,500,000 ბოლივარი ღირს. ფასის ეკვივალენტი დოლარში - $0.53.

ერთი კილო ხორცი - 9,500,000 ბოლივარი ანუ $1.45

ერთი კილო პომიდორი 5,000,000 ბოლივარის გვერდით ($0.76)

კარაკასში ამჟამად აქციები მიმდინარეობს. მონაწილეები პრეზიდენტ მადუროსგან გამოსავლის მოძებნას ითხოვენ.