ვარაზისხევში ქვაფენილის ასფალტით შეცვლის საკითხზე თბილისის მერია ფეისბუქგამოკითხვას ატარებს. გამოკითხვა 6 დღე გაგრძელდება.

საზოგადოების აზრის გამოკითხვა დღის წესრიგში მას შემდეგ დადგა, რაც თბილისის მერმა კახა კალაძემ მთავრობის სხდომაზე ვარაზისხევში ქვაფენილით წარმოქნილ პრობლემებზე ისაუბრა. მან განაცხადა, რომ მოსახლეობაში გამოკითხვას ჩაატარებდა და ამის შემდეგ მიიღებდა გადაწყვეტილებას.

მერმა აღნიშნა, რომ ვარაზისხევზე ქვაფენილი ძალიან ხშირად ზიანდება და სერიოზულ პრობლემას წარმოადგენს მიწისქვეშა კომუნიკაციებისთვისაც.