თელავისა და ახმეტის მუნიციპალიტეტში მოსული ძლიერი წვიმისა და სეტყვის დროს საცხოვრებელი სახლების პირველი სართულები დაიტბორა. ამის შესახებ ინფორმაციას საგანგებო სიტუაციების მართვის სამსახური ავრცელებს.

უწყების ინფორმაციით,სტიქიის დროს სულ 51 შეტყობინება შევიდა.

"თელავისა და ახმეტის მუნიციპალიტეტებში ამ დროისთვის აღარ წვიმს, წყლის დონემ იკლო - მიმდინარეობს გზების გაწმენდისა და საცხოვრებელი სახლებიდან წყლის ამოტუმბვითი სამუშაოები", - აცხადებენ საგანგებო სიტუაციების მართვის სამსახურში.