ახალი სამთავრობო პროგრამით, ცხოვრება გრძელდება, პრემიერის განცხადებით, პენსიონერთა დასაქმდებიან და საგადასახადო შეღავათები დაუწესდებათ იმ კომპანიებს, რომლებიც დაასაქმებენ პენსიონერებს.

პრემიერის თქმით, ადამიანებს რომლებსაც საინტერესო გამოცდილება აქვთ, შესაძლებლობა მიეცემათ გამოიყენონ იგი:

"ეს არავითარ შემთხვევაში არ გულისხმობს არც პენსიისა და არც სოციალური შეღავათების მოხსნას. ეს არის დამატებით შემოსავალი იმისთვის, რომ ბევრმა ადამიანმა, რომელთაც აქვთ ძალიან საინტერესო გამოცდილება და პოტენციალი, თუნდაც მცირე მასშტაბით გამოიყენონ ის და შესძინონ თავისი გამოცდილება ახალგაზრდა თაობას. ამ პროგრამას ერქმევა ცხოვრება გრძელდება და ალბათ, უახლოეს დღეებში იქნება მისი პრეზენტაცია. ამაზე ასევე მუშაობენ შრომის, ჯანმრთელობისა და სოციალური დაცვის სამინისტრო და ფინანსთა სამინისტრო. დარწმუნებული ვარ, ამ პროგრამით ძალიან მნიშვნელოვანი საქმე გაკეთდება, ვინაიდან ბევრ ადამიანს მიეცემა ცხოვრების ხალისი და ვფიქრობთ, ის პოტენციალი, რომელიც უფროს თაობაშია შესაძლებელია უფრო კარგად გამოვიყენოთ".