ომის 26 წლისთავზე ოკუპირებულ აფხაზეთში რუსეთი სამხედრო წვრთნებს ატარებს. აფხაზური სახელისუსფლებო ტელევიზიის ინფორმაციით, მასშტაბურ წვრთნებში 2 500 სამხედრო მოსამსახურე და 600 სამხედრო ტექნიკაა ჩართული.

სწავლებაში მონაწილეობს როგორც საზღვაო, ასევე საჰაერო ძალები, მათ შორის, კა-52 ალიგატორის ტიპის ვერტმფრენი, სარაკეტო თვითმფრინავები და ჯავშანტექნიკა.

ფოტო: კადრი ვიდეოდან / Tv Zvezda

ფოტო: კადრი ვიდეოდან / Tv Zvezda

წვრთნებში მონაწილე ერთ-ერთი რუსი სამხედრო მეთაურის განცხადებით, სწავლების მთავარი მიზანი იყო ეჩვენებინათ ჯარისკაცებისთვის როგორ გამოიყენონ ტერიტორია თავის სასარგებლოდ.

"იცოდნენ ტერიტორიის ძლიერი და სუსტი მხარეები - ეს ერთ-ერთი მნიშვნელოვანი ნაწილია გეგმის სწორად შესასრულებლად", - განაცხადა მან.

ფოტო: კადრი ვიდეოდან / Tv Zvezda

ფოტო: კადრი ვიდეოდან / Tv Zvezda

რუსული სამხედრო სწავლებები აფხაზეთში 2 აპრილს დაიწყო. ადგილობრივ მედიაში წვრთნების მასშტაბების შესახებ ინფორმაცია გუშინ, 13 აგვისტოს გავრცელდა.