ჩვენს ეპოქაში, სმარტფონის ეკრანზე თითის ორჯერ დარტყმა ან მარჯვნივ სვაიპი მოწონებას ნიშნავს. განქორწინებისას ვარსკვლავებთან მომუშავე ადვოკატი კი ამბობს, რომ წყვილებმა ერთმანეთს სერიოზული ურთიერთობის დაწყებამდე 10 კრიტიკული კითხვა უნდა დაუსვან. ფიონა შაკლეტონი ცნობილ ადამიანებთან მუშაობდა, მათ შორის პოლ მაკარტნისთანაც.

შაკლეტონმა, ექსეტერის უნივერსიტეტთან ერთად კვლევა ჩაატარა, რომლის მიხედვითაც, სასიყვარულო კავშირი დიდხანს გრძელდება, თუ ის აგებულია მეგობრობაზე, პატივისცემაზე, საერთო ინტერესებსა და რეალისტურ მოლოდინებზე.

ფიონა ამბობს, რომ სწორი შეკითხვების დასმამ, შესაძლოა, დროის უშედეგოდ კარგვა და გულისტკივილი აგარიდოთ:

"ჩემი კლიენტების 50%-ზე მეტი მეუბნება, რომ ან ქორწინების დაწყებამდე ან ქორწინებიდან ძალიან მალე მიხვდა, რომ პარტნიორს ვერ ეწყობოდა".

მეორე შემთხვევა, ამ შეცდომის გასააზრებლად, არც თუ ისე იდეალური დროა. ასე რომ, მოდით გადავხედოთ კითხვებს, რომელსაც ინგლისელი განქორწინების ექსპერტი გვთავაზობს.

1. კარგად ვეწყობით ერთმანეთს?

კვლევის მიხედვით, წარმატებული წყვილების დიდმა ნაწილმა ურთიერთობა მეგობრობით დაიწყო და მათი ურთიერთობა სიყვარულში მოგვიანებით გადაიზარდა.

ფოტო: Screen Gems

2. გვაქვს მეგობრობის საფუძველი?

ექსპერტების თქმით, წყვილებს ურთიერთობის აღდგენაში წარსული მეგობრობა ეხმარებოდათ, მაშინაც კი, როცა დაშორების მიზეზი ღალატი იყო. კვლევის მიხედვით, წყვილები, რომლებიც მეგობრობდნენ, განქორწინების შემდეგაც ინარჩუნებდნენ კავშირს.

3. ემთხვევა ჩვენი მიზნები და სურვილები?

შეყვარებულებს საერთო ღირებულებები, ოცნებები, იდეები, იმედები და მოლოდინები ურთიერთობის წარმატებით წარმართვაში ეხმარებათ.

4. რეალურია ჩვენი მოლოდინები?

წყვილებს ქორწინების თაობაზე არსებული რეალური მოლოდინები მომავალში ეხმარებათ. მათ იციან, რომ ურთიერთის წარმართვისას, შესაძლოა, ზურგის ქარი ყოველთვის არ ჰქონდეთ, თუმცა საჭირო დროს შესაბამის დახმარებას იღებენ და ერთად ცდილობენ რთული სიტუაციების გადალახვას.

5. რამდენად ხშირად ვხედავთ ერთმანეთის საუკეთესო მხარეებს?

ექსპერტები ამბობენ, რომ ორ ადამიანს შორის ძლიერი სიყვარულის ჩამოყალიბებას თანადგომა და დრო სჭირდება, თუმცა, როცა ეს ხდება, წყვილები ერთმანეთში საუკეთესოს ხედავენ.

ფოტო: DreamWorks Pictures

6. შეგვიძლია ერთმანეთთან რთული საკითხების განხილვა?

სერიოზულ ურთიერთობაში საუბარი უმნიშვნელოვანესი ნაწილია და ამისთვის დროის გამონახვა უკვე ზრუნვაზე მიანიშნებს — როდესაც საუბარს თქვენს დღეზე მოყოლით დაიწყებთ, შესაძლოა უფრო ღრმა საკითხებზეც გადახვიდეთ. რაც უფრო გულწრფელია კომუნიკაცია, წყვილებს შორის კავშირი უფრო ძლიერია.

7. ორივეს გვსურს რთული სიტუაციების გამკლავება?

თუ წყვილები ახერხებენ ცვლილებების მიღებას და ურთიერთობის კვლავ გაგრძელებას, მაშინ მათ შორის არსებული კავშირი ნამდვილად ძვირფასი მონაპოვარია. წყვილები, რომლებიც ერთად ყოფნის 10 წელს აღნიშნავდნენ, კვლევაში ამბობდნენ, რომ რთულმა სიტუაციებმა მათი ურთიერთობა გააძლიერა.

8. შეგვიძლია სტრესულ დროს ერთად ყოფნა?

მკვლევარები ამბობენ, რომ ისეთი ცხოვრებისეული მომენტების გამკლავებას, როგორიცაა ფინანსური პრობლემები, პირველი შვილის გაჩენა ან საყვარლის ყოლა, ძლიერი ურთიერთობა სჭირდება.

9. მხარს გვიჭერენ გარშემომყოფები ?

ყველას გვინდა, რომ ჩვენს მეგობრებსა და ოჯახის წევრებს ჩვენ მიერ არჩეული ადამიანი მოეწონოს. მონაცემების მიხედვით, ახლობელი ადამიანების მხარდაჭერა წყვილის ურთიერთობას აძლიერებს. კვლევის შედეგებით, ასეთ მხარდაჭერას ქალები დედებისგან, დებისგან და მეგობრებისგან ითხოვენ.

10. თავს იმედიანად გრძნობ?

ჰკითხეთ საკუთარ თავს, შეეფერებით ერთმანეთს თქვენ და თქვენი რჩეული? თუ თქვენს ურთიერთობას უბრალოდ ბრმა სიყვარული ასაზრდოებს.

ფოტო: HBO

თქვენ როგორ იქცევით, სანამ ვინმე შეგიყვარდებათ?