"სამხრეთ ოსეთის მოსახლეობას არ აინტერესებს, რომ მათ არ აღიარებს საფრანგეთი, დიდი ბრიტანეთი, აშშ. მათ ეს არ აინტერესებთ. მათთვის მნიშვნელოვანია, რომ ისინი რუსეთმა აღიაროს", - განაცხადა გარემოს დაცვისა და ტრანსპორტის საკითხებში რუსეთის პრეზიდენტის სპეციალურმა წარმომადგენელმა, სერგეი ივანოვმა. ამის შესახებ მან Kommersant-თან ინტერვიუში ისაუბრა.

მისივე თქმით, ოკუპირებული ტერიტორიების საკითხი ყირიმის საკითხს ჰგავს. როგორც ივანოვმა აღნიშნა, აფხაზეთისა და ცხინვალის რეგიონების აღიარებაზე რუსეთის ხელისუფლებაში ეჭვები არ ყოფილა.

"აი, ჩრდილოეთ კვიპროსი. რამდენი წელია ერთი ქვეყნის მიერ არიან აღიარებული? 40? 50? 60? ცხოვრობს თავისთვის. ადარდებს ჩრდილოეთ კვრიპროსის მოსახლეობას საერთაშორისო აღიარება? მათ ადარდებთ, რომ მხოლოდ ერთმა ქვეყანამ, თურქეთმა აღიაროს", - ამბობს პუტინის სპეციალური წარმომადგენელი.

ამავე თემაზე: