მაშ ასე, დადგა დრო! 4 წლიანი ლოდინის შემდეგ, ზაფხულის ოლიმპიური თამაშები ხვალ, 5 აგვისტოს, ბრაზილიის ყველაზე ეგზოტიკურ ქალაქ რიო-დე-ჟანეიროში, მარაკანას სტადიონზე, გრანდიოზულად გაიხსნება. ეს იქნება პირველი ოლიმპიადა რომელიც სამხრეთ ამერიკის კონტინენტზე ჩატარდება.

რთულია, მაგრამ მოდით ვცადოთ დროებით მაინც დავივიწყოთ ჩვენი სპორტსმენების ბრაზილიის მსგავსად არანაკლებ ეგზოტიკური ჩაცმულობა და ყურადღება გავამახვილოთ Darth Blender-ის კლიპზე, რომელმაც არ დაიზარა და შემოგვთავაზა კადრები იმ ფილმებიდან, რომლებიც ჩვენში სპორტთან დაკავშირებულ ასოციაციებს იწვევს.

აქ თქვენ შეხვდებით:

  • მოკრივე როკი ბალბოას
  • მშვილდოსან მერიდას ანიმაციური ფილმიდან “მამაცი”,
  • მორბენალ ფორესტ გამპს,
  • ცურვაში გაწაფულ ჯენიფერ ლოურენსს,
  • მოფარიკავე არია სტარკს

და თქვენთვის საყვარელ ბევრ პერსონაჟსა თუ ფილმს.

2016 წლის ოლიმპიური თამაშებზე სპორტის 28 სახეობა იქნება წარმოდგენილი, რაც საერთო ჯამში 41 დისციპლინასა და 306 ღონისძიებას მოიცავს.

წელს 39 ქართველი სპორტსმენი შეეცდება რიოდან ოქროს, ვერცხლის ან ბრინჯაოს მედლები ჩამოიტანოს.