დაბა გუდაურში წყალმომარაგების სისტემის მშენებლობა დაიწყო. მშენებლობას რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია, საქართველოს მთავრობის დაფინანსებით აწარმოებს.

პროექტისთვის 4 მილიონ ლარზე მეტი გამოიყო. სამუშაოებზე 100-მდე ადგილობრივი მოსახლე დასაქმდება. მშენებლობა 2016 წლის ნოემბრის ბოლოს დასრულდება. ამის შესახებ ინფორმაციას რეგიონული განვითარებისა და ინფრასტრუქტურის სამინისტრო ავრცელებს.

პროექტი, სასმელი წყლის გამანაწილებელი ქსელებისა და რეზერვუარის მშენებლობა-რეაბილიტაციას ითვალისწინებს. ასევე, მოხდება მომხმარებლების ინდივიდუალური გამრიცხველიანება.