სტატისტიკის ეროვნული სამსახურის ცნობით, 2017 წელს ავადობის 20 ძირითადი ჯგუფიდან მოსახლეობაში ყველაზე მეტად გავრცელებულია სუნთქვის ორგანოების, საჭმლის მომნელებელი სისტემისა და სისხლის მიმოქცევის სისტემის ავადმყოფობები.

ფოტო: სტატისტიკის ეროვნული სამსახური

საქსტატის ინფორმაციით, 2017 წელს, წინა წელთან შედარებით საქართველოში პირველად დადგენილი დიაგნოზოთ რეგისტრირებული დაავადებების რიცხოვნობა 9,7 პროცენტით შემცირდა. ბოლო ათწლიანი პერიოდის განმავლობაში აღნიშნული მაჩვენებელი მაქსიმალურ ნიშნულს 2015 წელს აღწევდა.

სტატისტიკის თანახმად, 2016 წელთან შედარებით, პირველად დადგენილი დიაგნოზით მოსახლეობის ავადობა შემცირდა დაავადებათა თითქმის ყველა სახის მიხედვით, რამდენიმე ჯგუფის გარდა, კერძოდ, გაიზარდა:

  • თვალისა და მისი დანამატების ავადმყოფობების რაოდენობა 34,7%-ით;
  • თანდაყოლილი ანომალიების - 14,7%-ით;
  • ძვალ-სახსართა სისტემის და შემაერთებელი ქსოვილების ავადმყოფობები 4,8%-ით.