დღეს, საერთაშორისო რესპუბლიკური ინსტიტუტისა (IRI) და აშშ-ის საერთაშორისო განვითარების სააგენტოს (USAID) ორგანიზებით, პოლიტიკური პარტიების ახალგაზრდული ორგანიზაციების წარმომადგენლებმა მრავალპარტიულ ხელშეკრულებას ხელი მოაწერეს. დაანონსებული თხუთმეტი პარტიიდან ერთი - პატრიოტთა ალიანსი არ გამოცხადდა.

ხელმომწერი თოთხმეტი პარტიის წარმომადგენლები არჩევნების დემოკრატიულ პირობებში ჩატარებასა და პროცესებში ახალგაზრდების ჩართულობაზე შეთანხმდნენ. მათი მთავარი ერთობლივი მიზნებია :

  • სახელმწიფოს დემოკრატიული განვითარება, არჩევნების დემოკრატიულ და თავისუფალ გარემოში ჩატარება;
  • ქვეყანაში პლურალიზმის განვითარება. სხვადასხვა იდეოლოგიის მქონე პარტიებს საშუალება უნდა ჰქონდეთ თავისუფლად გაავრცელონ საკუთარი ხედვები;
  • წინასაარჩევნო პერიოდში ინციდენტების პრევენცია. გამოვლენილ ხელშეშლის ფაქტებზე მყისიერი რეაგირება;
  • პოლიტიკური ოპონენტების მიმართ სიძულვილის ენის გამოყენების დაგმობა;
  • პოლიტიკური კამპანიის დროს ოპონენტი პარტიების საქმიანობაში ხელის არშეშლა.

საერთაშორისო რესპუბლიკური ინსტიტუტის წარმომადგენელი ანდრეა ქირბსი აცხადებს, რომ ხელმომწერი ახალგაზრდების ნაწილი IRI-შია გაწევრიანებული და მათი მხრიდან ასეთი სამუშაოს გაწევა ძალიან დიდი საქმეა:

"ეს დოკუმენტი ამერიკაში ჩვენს მთავარ ოფისში გადავგზავნეთ იმის საჩვენებლად, თუ როგორ მუშაობენ ეს ახალგაზრდები".

შეთანხმებას ხელი შემდეგმა პარტიებმა მოაწერეს :

  • რესპუბლიკური პარტია - გიორგი ჩუბინიძე;
  • თავისუფალი დემოკრატები - ნინო ფრუიძე;
  • ახალი საქართველო სამოქალაქო პლატფორმა - გურამ ზურაბაშვილი;
  • ქართული ოცნება დემოკრატიული საქართველო - გიორგი ჩაკვეტაძე;
  • ერთიანი ნაციონალური მოძრაობა - მარიამ ქასრაშვილი;
  • სოციალ-დემოკრატები განახლებული საქართველოსთვის - ირაკლი სულავა;
  • კონსერვატიული პარტია - ქეთი მამულაშვილი;
  • ახალი მემარჯვენეები - საბა ქამუშაძე;
  • საქართველოს ლეიბორისტული პარტია - მიხეილ ქუმსიშვილი;
  • ახალი პოლიტიკური ცენტრი გირჩი - ბექა პეტრიაშვილი;
  • თავისუფალი საქართველო - შოთა მაქაცარია;
  • სახელმწიფო ხალხისთვის - გიორგი თაქთაქიშვილი;
  • ეროვნული ფორუმი - გიორგი ბერიძიშვილი;