"სრულიად საქართველომ მოუსმინა საკუთარ სამშობლოზე და ხალხზე უზომოდ შეყვარებულ ლიდერს", - ასე შეაფასა უმრავლესობის წევრმა დავით მათიკაშვილმა გადაცემა აქტუალურ თემაში ბიძინა ივანიშვილის ინტერვიუ.

დეპუტატის განმარტებით, პარტიის თავმჯდომარეს უპასუხა ყველა კითხვას და წარუდგინა ხედვა, რომელიც "გაჯერებულია მაღალი სახელმწიფოებრივი აზროვნებით და პრაგმატული, შედეგზე ორიენტირებული გათვლებით".

გუშინ, 24 ივლისს გადაცემა აქტუალურ თემაში პოლიტიკაში დაბრუნების შემდეგ ბიძინა ივანიშვილმა პირველი ინტერვიუ მისცა. ყოფილი პრემიერ-მინისტრი არაერთ საკითხს შეეხო, მათ შორის, ხორავას ქუჩის საქმეს, ქვეყნის ეკონომიკურ მდგომარეობას, არაფორმალურ მმართველობასა და ყოფილ პრემიერ-მინისტრთან, გიორგი კვირიკაშვილთან დაპირისპირებას.

გაიგეთ მეტი: