ბიძინა ივანიშვილის განცხადებით, გიორგი კვირიკაშვილის თანამდებობიდან გადადგომის მიზეზი ის იყო, რომ ყოფილ პრემიერს აღარ შეეძლო მართვა და მთავრობის ნდობა აღარ ჰქონდა. ივანიშვილის განცხადებითვე, კვირიკაშვილი გუნდურ მმართველობას ვერ ახერხებდა პრინციპული საკითხების შეჯერებას მხოლოდ ქუმსიშვილსა და ალავიძესთან ახერხებდა.

"მანაც და მთელმა გუნდა დაინახა, რომ არ ჰქონდა რესურსი მართვის და აღარ ჰქონდა ნდობა პარლამენტში და მთავრობაში. მას არ დარჩა არჩევანი ის უნდა წასულიყო და წავიდა კიდეც", - თქვა ივანიშვილმა.

ივანიშვილმა კვირიკაშვილთან შეხვედრაზეც ისაუბრა. მისი თქმით, კვირიკაშვილს კრიტიკული კითხვები დაუსვა და საუბარი სამ საათს გაგრძელდა, რა დროსაც ყოფილი პრემიერი რამდენჯერმე საპირისპირო აზრით გამოვიდა. ივანიშვილის განცხადებით, სახელმწიფოსა და ბიზნესის ინტერესებს შორის ბალანსს კვირიკაშვილი არღვევდა.

"მე პირადად მოწოდებული ვარ, რომ ჩვენს ბიზნესს შიგნითაც და გარეთ ლობირება უნდა გავუწიოთ, მაგრამ არავის უნდა დაავიწყდეს, რომ სახელმწიფო ინტერესების პასუხისმგებლობა და ბალანსი არ უნდა დაარღვიოს", - განაცხადა ივანიშვილმა გადაცემა აქტუალურ თემაში.