საქართველოს მინისტრთა კაბინეტის შემადგენლობაში ორი ვიცე-პრემიერი იქნება. ამის შესახებ ინფორმაცია საქართველოს მთავრობის ადმინისტრაციამ გაავრცელა.

პრემიერ-მინისტრ მამუკა ბახტაძის გადაწყვეტილებით, ვიცე-პრემიერებად შინაგან საქმეთა მინისტრი გიორგი გახარია და რეგიონული განვითარებისა და ინფრასტრუქტურის მინისტრი მაია ცქიტიშვილი დაინიშნენ. შესაბამის ბრძანებებს მთავრობის მეთაურმა ხელი უკვე მოაწერა.

საქართველოს პრემიერ-მინისტრმა 16 ივლისს მრჩევლებიც დაასახელა. სოზარ სუბარი მრჩეველი რეგიონული განვითარების საკითხებში იქნება, ხოლო ჩხენკელი - განათლების საკითხებში. შესაბამისი ბრძანებები ბახტაძემ დღეს გამოსცა.