საპარლამენტო უმრავლესობის წევრი ბექა ნაცვლიშვილი, შრომის უსაფრთოების გამკაცრებაზე, პარლამენტის თავმჯდომარის, ირაკლი კობახიძის განცხადებას გამოეხმაურა. მისი თქმით, თუ კი საპარლამენტო უმრავლესობას აღნიშნული მუხლის გამკაცრებაზე სწორი პოზიცია ჰქონდათ და შესრულებაში ხელი წინა მთავრობამ შეუშალა, არის პარლამენტის დაკნინება.

"თუ არ აკეთებდა მაშინ პრემიერ-მინისტრი [გიორგი კვირიკაშვილი], ეს საკითხი [შრომის უსაფრთხოების გამკაცრება] ძალიან აქტიურად უნდა დამდგარიყო დღის წესრიგში, რომ მას ეს შეესრულებინა", - ამბობს ნაცვლიშვილი.

გუშინ, 16 ივლისს ტყიბულში, მინდელის შახტაში კიდევ 4 მუშა გარდაიცვალა. ამ თემის შეფასებისას, კობახიძემ განაცხადა, რომ საპარლამენტო უმრავლესობას უნდოდათ შრომის უსაფრთხოების გამკაცრება, თუმცა წინა მთავრობის ხისტმა პოზიციამ მათ ამის საშუალება არ მისცა.