ბრიტანეთის ევროკავშირიდან გასვლის შესახებ ექვსეპიზოდიან მინი სერიალს გადაიღებენ, რომლის ბიუჯეტიც $80 მილიონი იქნება.

სერიალში მთავარი როლს ბენედიქტ კამბერბეჩი შეასრულებს. მის პარტნიორად კევინ სპეისი განიხილებოდა, თუმცა გასულ წელს მომხდარი სკანდალის შემდეგ, ის შოუში მონაწილეობას აღარ მიიღებს.

ახლახან გავრცელდა პირველი ფოტოები სერიალის გადასაღები მოედნიდან. როგორც ხედავთ, ბენედიქტს იმიჯი ახალ შოუში სრულიად შეცვლილი აქვს.

შეგახსენებთ, რომ 2016 წელს დიდი ბრიტანეთის ამომრჩეველთა უმრავლესობამ, 52 პროცენტმა მხარი დაუჭირა ქვეყნის ევროკავშირიდან გამოსვლას.

შოტლანდიისა და ლონდონის მცხოვრებთა აბსოლუტური უმრავლესობა ევროკავშირში დარჩენის მომხრე იყო, თუმცა დიდი ბრიტანეთის ჩრდილოეთ რეგიონების შედეგებმა მათი სურვილი მნიშვნელოვნად დაჩრდილა.

დიდ ბრიტანეთის დამოუკიდებლობის პარტიის ლიდერმა ნაიჯელ ფარაჯმა რეფერენდუმის შედეგები "დამოუკიდებლობის დღედ" მოიხსენია.

დიდი ბრიტანეთი იქნება პირველი სახელმწიფო, რომელიც ევროკავშირს დატოვებს. აღნიშნული პროცესი მინიმუმ ორ წელიწადს გაგრძელდება. დიდ ბრიტანეთს მოუწევს ხელახლა გააფორმოს ეკონომიკური და სავაჭრო ხელშეკრულებები სხვადასხვა სახელმწიფოებთან. ექსპერტთა ნაწილის შეფასებით, გარდამავალი პერიოდი შესაძლოა მძიმედ აისახოს დიდი ბრიტანეთის ეკონომიკაზე.