BBC-ის ინფორმაციით, ჩრდილოეთ სირიაში, იდლიბის პროვინციაში, ბაშარ ალ-ასადის მოწინააღმდეგეების კონტროლირებად ტერიტორიაზე, რუსეთის სამხედრო ვერტმფრენი ჩამოაგდეს. რუსეთის თავდაცვის სამინისტროს ცნობით, ვერტმფრენში 3 ბორტის წევრი და 2 ოფიცერი იმყოფებოდა, რომელთაგან ყველა გარდაიცვალა.

გამოცემის ინფორმაციით, ინციდენტი მაშინ მოხდა, როდესაც რუსული ვერტმფრენი ალეპოდან ჰუმანიტარული ტვირთის დატოვების შემდეგ ბრუნდებოდა. ამ დროისთვის უცნობია, რომელმა დაჯგუფებამ ჩამოაგდო ის.

მას შემდეგ, რაც 2015 წელს რუსეთმა ბაშარ ალ-ასადის რეჟიმის მხარდაჭერა დაიწყო, ეს არ არის პირველი შემთხვევა, როდესაც მისი სამხედრო დანაყოფების ვერტმფრენი ჩამოაგდეს.

ერთ-ერთ ასეთ შემთხვევას ივლისში 2 რუსი სამხედრო ემსხვერპლა. გასული წლის ნოემბერში კი რუსი პილოტი მაშინ მოკლეს, როდესაც თურქეთის ტერიტორიაზე, სირიის საზღვართან მისი ვერტმფრენი ჩამოაგდეს.