ბევრი გულშემატკივრისთვის მოულოდნელად მსოფლიო ჩემპიონატს მეოთხედფინალურ ეტაპზე, არც მეტი, არც ნაკლები, ბრაზილიის ნაკრები გამოეთიშა. მათი დამარცხება ბელგიელებმა შესძლეს.

წარმოგიდგენთ საინტერესო ფაქტებს, რომელიც ამ შეხვედრაში დაფიქსირდა.

  • მსოფლიო ჩემპიონატის ნახევარფინალში ბელგია მეორედ გავიდა. პირველად ეს 1986 წელს მოხდა და მაშინ ბელგიელები მომავალ ჩემპიონ არგენტინის ნაკრებთან დამარცხდნენ.
  • ბრაზილიის ნაკრები ევროპულმა გუნდმა მსოფლიო ჩემპიონატს ბოლო ოთხ ტურნირზე გამოთიშა (2006 წელს საფრანგეთმა, 2010 წელს ჰოლანდიამ, 2014 წელს გერმანიამ და 2018 წელს ბელგიამ).
  • ბოლო 30 მატჩის განმავლობაში პირველად ბრაზილიამ ერთზე მეტი გოლი გაუშვა.
  • ბელგიის ნაკრები ბოლო 24 მატჩის განმავლობაში დაუმარცხებელია (19 მოგება, 5 ფრე).
  • ფერნანდინიო ბრაზილიის მეორე ფეხბურთელი გახდა, რომელმაც ავტოგოლი გაიტანა. პირველად ეს 2014 წელს მოხდა, როცა ხორვატიის წინააღმდეგ მატჩისას მარსელომ საკუთარ კარში გაიტანა გოლი.

ნახევარფინალურ შეხვედრას ბელგიის ნაკრები 10 ივლისს საფრანგეთის წინააღმდეგ ჩაატარებს.